1. «Амкодор» национализировали решением Мингорисполкома с грифом ДСП? BELPOL передал «Зеркалу» непубличный документ
  2. «Сотрудница взяла мой телефон, сняла чехол и посмотрела, что под ним». Рассказываем, какая обстановка на границе с соседними странами
  3. Лукашенко в очередной раз оскорбил Зеленского. Политику «прилетел» колкий ответ из Киева, который поймет едва ли не каждый беларус
  4. «Автократы в Москве и Минске будут праздновать кончину». Американские власти исполнили мечту беларусских
  5. Сбежал из суда, отобрав пистолет у конвоира, и годами был в бегах. Вспоминаем историю «самого дерзкого преступника Беларуси»
  6. Зеленский сменил начальника Генштаба ВСУ
  7. «Нужны врачи». Кочановой пожаловались на дефицит медиков
  8. Российские военные блогеры поймали Владимира Путина на очередном вранье. Что в этот раз
  9. Навошта Лукашэнку паклікалі ў Маскву, дзе ён заявіў, што Беларусь не ўвойдзе ў склад Расіі? Спыталі ў аналітыка
  10. Появилось расследование о еще одной резиденции Лукашенко. Рассказываем интересные факты
  11. «Адчуць сябе маленькімі лэдзі». Дзіцячыя конкурсы прыгажосці больш небяспечныя, чым дарослыя, — але бацькі па-ранейшаму аддаюць туды дачок
Читать по-русски


Міністэрства замежных справаў Польшчы пацвердзіла інфармацыю пра вызваленне кіраўніцы беларускага Саюза палякаў Анжалікі Борыс, якая паступіла ў аўторак. Ведамства апублікавала афіцыйнае паведамленне на сваім сайце.

Фото: Анатолий Хомич, Forum
Анжаліка Борыс. Фота: Анатоль Хоміч, Forum

«Міністэрства замежных справаў вітае той факт, што з Анжалікі Борыс знятыя ілжывыя абвінавачанні. Мы спадзяёмся, што яна зможа наведаць Польшчу найбліжэйшым часам.

Інфармацыя пра зняцце абвінавачанняў з кіраўніцы Саюза палякаў Беларусі — першая пазітыўная навіна з Мінска за доўгі час. Спадзяёмся, што гэта сігнал пра змену стаўлення ўладаў Мінска да палякаў у Беларусі і гатоўнасці да канструктыўнага дыялогу па двухбаковых пытаннях», — гаворыцца ў паведамленні.

Пры гэтым у МЗС Польшчы падкрэслілі, што нязменна працягваюць патрабаваць вызвалення Андрэя Пачобута і зняцця з яго ўсіх абвінавачанняў.

«Гэтае пытанне мае для нас найвышэйшы прыярытэт», — заяўляе ведамства.

Пра вызваленне Анжалікі Борыс таксама выказаўся асабіста прэс-сакратар МЗС Польшчы Лукаш Ясіна.

«Гэта крок у добрым кірунку. Спадзяёмся, што такія рашэнні будуць прынятыя таксама ў дачыненні да Анджэя Пачобута і іншых зняволеных. Мы не забываем пра вас!» — напісаў Ясіна ў Твітары.

Раней у аўторак «Белсат» паведаміў пра тое, што Анжаліку Борыс вызвалілі з-пад хатняга арышту і спынілі яе крымінальную справу ў сувязі з адсутнасцю складу злачынства.

Нагадаем, Анжаліка Борыс была затрыманая 23 сакавіка 2021 года і змешчаная ў СІЗА па абвінавачанні ў распальванні варожасці і рэабілітацыі нацызму групай асоб (ч. 3 арт. 130 КК). Яна правяла за кратамі год. 25 сакавіка 2022-га стала вядома, што яе перавялі пад хатні арышт. Праз паўгода Лукашэнка заявіў, што асабіста дазволіў вызваліць Борыс па просьбе яе маці.

Усяго па «справе Саюза палякаў» затрымалі пяць чалавек, у тым ліку журналіста Андрэя Пачобута. Паводле версіі следства, яны арганізавалі ў Гродне і Гродзенскай вобласці незаконныя масавыя мерапрыемствы «па ўшанаванні ўдзельнікаў антысавецкіх бандфармаванняў, якія дзейнічалі падчас і пасля Вялікай Айчыннай вайны».

Пазней трох затрыманых (Панішаву, Цішкоўскую і Бярнацкую) выпусцілі і выслалі ў Польшчу. Пачобут і Борыс адмовіліся ад вызвалення ў абмен на дэпартацыю. Праваабаронцы прызналі абаіх палітвязнямі. У лютым 2023 года Андрэя Пачобута асудзілі па артыкулах пра заклікі да санкцый і распальванне варожасці і асудзілі на восем гадоў калоніі ўзмоцненага рэжыму.