Увечары 2 лютага ў вёсцы Лугавая Вірня Жлобінскага раёна ў двары прыватнага домаўладання адбыўся выбух, як мяркуецца, кіслароднага балона, паведамілі ў Следчым камітэце.
«Сёння ўвечары ў вёсцы Лугавая Вірня Жлобінскага раёна ў двары прыватнага домаўладання адбыўся выбух, як мяркуецца, кіслароднага балона. У выніку здарэння загінулі 35-гадовы мужчына і двое малагадовых дзяцей (1 і 3 гады). Яго жонка і 6-гадовы сын у цяжкім стане дастаўленыя ў бальніцу», — расказалі ў СК.
Усяго ў сям'і выхоўвалася чацвёра дзяцей. Яшчэ адно дзіця на момант выбуху было ў Жлобіне.
На месца былі скіраваныя крыміналісты і следчыя абласнога ўпраўлення. Высвятляюцца ўсе абставіны здарэння.