Карыстальніца пад нікам didiana365 расказала ў TikTok, што ў Гомелі і іншых гарадах Беларусі пачала працаваць махлярка, якая нібыта здае ў арэнду кватэру з добрым рамонтам за адносна невялікі кошт. Аднак падчас перапіскі, яшчэ да заключэння дамовы, яна просіць перавесці ўвесь кошт арэнды, каб «замацаваць кватэру» за сабой, піша CityDog.
Паводле аўтаркі відэа, на дзвюх папулярных пляцоўках па пошуку нерухомасці яна знайшла абвестку пра здачу кватэры ў Гомелі за 135 даляраў. Падчас перапіскі «гаспадыня» пісала ёй, што нібыта ўжо здала жыллё, але «ў канцы даведалася, што ў кватэранаймальнікаў ёсць сабака. Яна прапанавала ім пасля ад’езду аплаціць клінінг, але людзі адмовіліся».
У відэа дзяўчына ўдакладніла, што ў яе таксама ёсць сабака, таму аплату клінінгу яна прапанавала ўзяць на сябе, а далей пайшла стандартная схема махлярства.
Паводле дзяўчыны, пасля ўдакладнення ўсіх нюансаў што да кватэры махлярка прапанавала беларусцы аплаціць увесь кошт арэнды, «каб замацаваць яе за мной». Для пераканаўчасці яна адправіла свае пашпартныя звесткі і нумар банкаўскай карткі.
Аднак дзяўчына падумала, што ў яе просяць заплаціць заклад. Да таго ж яна «ўбачыла не поўную суму ў 470 рублёў, а толькі 70 рублёў. Яе і перавяла». На што атрымала патрабаванне перавесці астатнія 400 рублёў — нібыта пасля гэтага «ўладальніца» будзе гатовая здаць ёй кватэру.
Акрамя таго, як удакладняе беларуска ў відэа, падчас перапіскі «гаспадыня» кватэры пісала, што знаходзіцца ў іншай краіне, таму здаваць жыллё будзе яе сястра, але з ёй можна будзе сустрэцца толькі пасля аплаты.
@didiana365 ♬ оригинальный звук — Didiana🔥
Ці многія сутыкнуліся з гэтым відам махлярства?
У каментарах пад відэа большасць карыстальнікаў з розных гарадоў Беларусі напісала, што ўступалі ў перапіску з гэтай махляркай. Праўда, кожны раз у яе былі розныя імёны і новыя абвесткі пра здачу кватэры.
Напрыклад, адна карыстальніца напісала, што ёй гісторыя дзяўчыны знаёмая «да кожнай літары» — «у мяне ўсё гэтак жа было, як у вас, але толькі ў Маладзечне. І я таксама скінула 60 рублёў».
Іншая дзяўчына напісала, што «дакладна такое ж было ў Мазыры. Як жа добра, што ўбачыла вашае відэа. Трэба тэрмінова паведаміць маладому чалавеку».
На гэтую ж ашуканскую схему трапілася і беларуска са Светлагорска. З яе словаў, спачатку нібыта ўладальніца кватэры папрасіла яе перавесці частку грошай за арэнду. Аднак пасля гэтага махлярка напісала, што кватэру ўжо здалі, таму яна верне дзяўчыне грошы, і для гэтага той трэба перайсці па спасылцы, «якая была падобная на сайт „Альфа-банка“». Але ў выніку, калі яны перайшлі па ёй, «нашыя 700 рублёў паляцелі проста ў нікуды».
Чытайце таксама на CityDog.io:
В Беларуси новые виды мошенничества. Вот две истории про квартиры
В Беларуси новый вид мошенничества. На этот раз — через «подарки от моряков»
Как обезопасить себя и своих близких от телефонных мошенников? Вот простые советы от экспертов